නුඹට සුබ පතමි

දෙකොපුල් හරහා ගලනා මේ උණු කදුළු බිදු
නොපෙනෙන දුරකින් සිටියත් නුඹ අද දිනදි
මතකේට නැගෙනා ඔය රුව පෙර පරිදි
සිහිවන විට වැළපෙයි හද මඩළ රිදුම් දිදි

නෙතට උළෙලක් උනා නුඹ පෙර දිකදි
ප්‍රේමයේ මුලකුරු ඔබයි කියා දුන්නේ මගේ දිවියේදි
ඇගේ අතගෙන ගියත් අද වෙන්වි..........
නැගෙන සුසුමන් සිතේ සිරකර

නුඹට සුබ පතමි...........

වරම

සුමුදු සළුවක ඇළුණු පාට පොද
කොදමල් විසිරේදො
නේක සිතුම් මැද
ඇදුණු නුඹේ රුව
සුළගට මුහුවෙදො
සිතේ පැතුම් පොදි
ඉවත ගියත් සද
හදේ උපන් රෘව
නැවත දකින්නට
වරමක් හිමිවෙදො

සබඳිනි රැගෙන එනු මැන ඒ අහිමි හිත

ලෙන්ගතු කමට මම බැන්දත් නුඹට සිත
ගන්නට බැ නමුඳු පෙරලෙස නුබේ අත
නුදුටුව විලස සිටියත් මම නුබේ වත
ලොවටම හොරා වැළපෙනවා මගේ හිත

දහසක් අකුරු ලීවත් මම නුබ වෙත
අකුරක්වත් නොදකි නුබේ නේත
ඔබ සැම දෙනා සැඳුවත් මගේ හිත
සබඳිනි රැගෙන එනු මැන ඒ අහිමි හිත

පෙරදින පැමින ඉල්ලුවිට මගේ හිත
දෙහිතක් නැතුව පිදුවා මම මගේ හිත
වැල්ලේ තනපු මාළීග සේ කඩා හිත
මා හැර දමා ඔහු ගත්තේ ඇගේ අත

නුඹ එන්න මා සමග මේ ගමන දුර යන්න

මල් පිපුණු හිමිදිරියේම 

පිණි දියර ඉසිමින්ම 

සිතලට ගුලි නොවන

පුන්චි සමනළුන් සේම

ආසයි මටත් එහෙම

පියඹන්න අහසේම

අරුණැල්ල සේ එන්න

මුදු සිසිල විද ගන්න

නුඹ එන්න මා සමග 

මේ ගමන දුර යන්න

පුංචි වැහිලිහිනය

ජීවිතේ හීන පොඩි හිත යටට ගුලි කරන්
නැගෙන සුසුමන් වා තාලයට මුසු කරන්
හිනැහෙන්න බෑ නුඹව අමතක කරන්
පුංචි වැහිලිහිනය මංමුළාවී ගොසින්
නිල් ගුවන නිල් සයුර සමග ඇය උරණයි ඉතින්
අරුණෝදේ දිලිහෙන හිරු කිරණ නොපෙනේ පෙර ලෙසින්
මද සුළඟ ඇගේ තටු පිරිමදී රිසි ලෙසින්
මිහිරි ගී තාලයට ගයනු නොහැකිව ඇය දුකින්

 
20/09/2013